11
январь
2023
Мектеп психологінің мақсат міндеттері
Мектептегі психологиялық қызметтің басты мақсаты:
Білім беру ұйымдарында білім алушылардың психологиялық денсаулығын сақтау, қолайлы әлеуметтік- психологиялық жағдай жасау және білім беру үдерісіне қатысушыларға психологиялық қолдау көрсету.
ҚР Оқу – ағарту министрлігінің 2020 жылғы 6 сәуірдегі №130 бұйрығы (Ескерту. 1-қосымша жаңа редакцияда – ҚР Білім және ғылым министрінің 16.09.2021 № 472 бұйрығымен өзгертулер енгізілген) және ҚР Оқу – ағарту министрлігінің №377 бұйрығы орта білім беру ұйымдарындағы психологиялық қызметтің жұмыс істеу қағидаларын бекіту туралы құқықтық актілерді негізге ала отырып:
Міндеттері:
- Қазақстан Республикасы Білім және ғылым министрлігінің нормативті актілерін, құжаттарын, бұйрықтарын, нұсқауларын басшылыққа алуға;
- Өзінің іс-әрекетін өз кәсіби біліктілігінің және қызметтік міндеттемелерінің шеңберінде жүргізуге;
- Психология мен педагогиканың әртүрлі салаларындағы ең жаңа жетістіктерді білуге және насихаттауға; диагностиканың, түзетудің, алдын алудың ғылыми негізделген әдістерін өз іс-әрекетінде қолдануға; өзінің кәсіби деңгейін жетілдіру үшін үнемі еңбектенуге;
- Тәжірибелік психологтың этикалық кодексі нормаларын басшылыққа алуға;
- Педагогтарға әлеуметтік-психологиялық диагностика негізінде білім алушылармен жеке жұмыс жасаудың тәсілін ұйымдастыру процесінде көмек көрсету;
- Кез келген мектеп құжаттамасына (тәрбие беру жоспарларына, білім беру бағдарламаларына, педагогикалық кеңестің шешімдеріне, ағымдағы оқу-тәрбие поцесіне, т.б. ) психологиялық талдау жүргізуге;
- Әкімшілікпен, оқытушылармен, ата-аналармен бірлесе отырып, білім беру үрдісінің барлық субъектілерінің табысты бейімделуі мен тиімді іс-әрекетіне қолдау көрсететін ғылыми негізделген білім беру, тәрбиелеу, түзету,т.б. бағдарламаларды жасауға және енгізуге;
- Білім беру процесі субьектілерінің психологиялық-педагогикалық құзіреттіліктерін арттыру.